Presidenti turk, Recep Tayyip Erdoğan, ka zhvilluar një bisedë telefonike me kryeministren italiane, Giorgia Meloni, për t'i diskutuar marrëdhëniet dypalëshe, si dhe çështjet rajonale dhe globale.

Drejtoria e Komunikimeve të Türkiyes në rrjetin social amerikan X njoftoi se Erdoğan gjatë bisedës tha se Türkiye po punon për forcimin e bashkëpunimit me Italinë në të gjitha fushat, veçanërisht në industrinë e mbrojtjes, dhe theksoi rëndësinë e ndërmarrjes së hapave të rinj për të çuar më tej marrëdhëniet dypalëshe.

Erdoğan tha gjithashtu se Türkiye pret që samiti i liderëve të NATO-s, i cili do të mbahet javën e ardhshme në kryeqytetin turk, Ankara, ta forcojë unitetin mes aleatëve.

Meloni pritet të marrë pjesë në samitin, i cili është planifikuar të mbahet të martën dhe të mërkurën.