2 orë më parë
Medalistja e dyfishtë olimpike, Distria Krasniqi, ka zënë vendin e parë në Kampionatin e Evropës në Xhudo që po mbahet në Tbilisi të Gjeorgjisë.
Në finale të kategorisë deri në 52 kilogramë, Krasniqi e mposhti francezen Amandine Buchard. Ndaj saj realizoi herët hedhje për “Yuko” dhe më pas kontrolloi luftën deri në fund.
TË REKOMANDUARA
Distria ishte bartëse e parë e kategorisë deri në 52 kilogramë. Ajo e nisi garën me fitore ndaj çekes Tereza Bodnarova, ndërsa në çerekfinale e mposhti me "uazari" polaken Aleksandra Kaleta.
Në gjysmëfinale, Distria Krasniqi u përball me italianen Odette Giuffrida, ku edhe ndaj saj triumfoi duke e mposhtur me “Yuko”.
BURIMI:TRT Balkan dhe Agjencitë
