Sirenat ranë në gjithë veriun e Izraelit pas sulmeve me raketa të lëshuara nga Hezbollahu në Liban, raportoi vonë të premten gazeta Yedioth Ahronot.
Sipas saj, Hezbollahu lëshoi pesë raketa drejt vendbanimit Nahariya, ku shumica u interceptuan, ndërsa të tjerat ranë në zona të hapura.
Sirenat u dëgjuan në disa zona të veriut të Izraelit, përfshirë Nahariya, Avivim në Galile dhe Haifa, për shkak të sulmeve të përsëritura me raketa në intervale të shkurtra që nga mbrëmja.
Ushtria izraelite tha se gjatë natës ka goditur lëshues raketash të Hezbollahut në Liban me sulme ajrore.
Në një deklaratë thuhet se sulmet ajrore u kryen menjëherë pas kundërpërgjigjes së fundit të Hezbollahut.
Ndërkohë, agjencia izraelite e emergjencave, Magen David Adom, raportoi se sipas vlerësimeve fillestare nuk ka viktima apo të plagosur nga sulmet me raketa.
