Një tërmet i fuqishëm me magnitudë 5.9 ka goditur rajonin kufitar midis Afganistanit dhe Taxhikistanit, duke lëkundur pjesë të Afganistanit dhe Pakistanit.

Sipas Qendrës Gjermane për Kërkime në Gjeoshkencë, tërmeti ndodhi në një thellësi prej 175 kilometrash në orën 16:12 GMT.

Lëkundjet u ndjenë në kryeqytetin afgan Kabul, siç shkroi në platformën amerikane X një banor lokal, Obaidullah Baheer.

Tërmeti u ndje gjithashtu në kryeqytetin pakistanez Islamabad, në provincën veriperëndimore Khyber Pakhtunkhwa dhe në rajonin verior Gilgit-Baltistan.

Departamenti Meteorologjik i Pakistanit e vlerësoi tërmetin me magnitudë 6.1.

Nuk ka raportime të menjëhershme për viktima apo dëme.