Припадници на Војската на Србија започнаа со зголемено обезбедување на компресорската станица „Велика Плана“ во Жабари, во источна Србија, на гасоводот Балкански тек што транспортира руски гас од Туркије до Унгарија, објави РТС.

Компресорската станица во Жабари е изградена во 2021 година, овозможува транспорт на руски гас од Туркије до Унгарија и е под посебни мерки од март оваа година.

Припадниците на армијате се ангажирани врз основа на одлуката на претседателот на Србија за употреба на српските сили за заштита на критични инфраструктурни објекти и наредбата на началникот на Генералштабот, објави РТС.

„Силите беа распоредени со цел да се обезбеди безбедноста на објектот, навремено да се откријат можни закани и соодветно да се реагира. Ние сме во постојан контакт и ја извршуваме задачата во соработка со другите безбедносни органи на Република Србија, а тука сме распоредени со цел навремено да се откријат можни закани и да се дејствува против нив во најраната фаза“, рече мајор Предраг Љутиќ од 72. бригада за специјални операции на српската армија.

РТС објави и снимки на кои се гледа како Армијата го обезбедува гасоводот.

Се наведува дека минатата година Унгарија добила околу 7,5 милијарди кубни метри гас од Туркије преку гасоводот што влегува во Србија кај Заечар и излегува кај Хоргош, и дека е заштитена и од воздушни закани со ракетниот систем ХК 17 AE.

Компресорската станица во Жабари, на околу 100 километри од Белград, се наоѓа на кракот на гасоводот Турски тек што транспортира руски гас од Туркије до Унгарија.