Украинските власти денеска излегоа со тврдење дека руските трупи изминатата ноќ нападнале кинески трговски брод во украинските територијални води.

Портпаролот на украинската морнарица, Дмитро Плетенчук, изјави дека нема пријавени жртви.

„Интересно е што ги мотивирало Русите кога вечерва решиле да „нападнат“ кинески трговски брод со „Шахед“ во нашето море“, напиша тој на американската платформа за социјални медиуми Фејсбук.

„Немаше жртви, но ова е нешто ново, „Се случи ужасна грешка“, другари?“ додаде тој.

Русија и Кина сè уште не ги коментирале тврдењата на Украина.