Presidenti i Türkiyes, Recep Tayyip Erdoğan, zhvilloi të hënën bisedë telefonike me kryeministrin britanik Andy Burnham, me të cilin diskutoi marrëdhëniet dypalëshe, si dhe zhvillimet rajonale dhe globale.
Sipas Drejtorisë së Komunikimeve të Presidencës së Türkiyes, Erdoğan e ka uruar Burnhamin për postin e ri dhe ka thënë se beson që të dyja vendet do t’i çojnë marrëdhëniet e tyre në një nivel më të lartë në vijim.
Erdoğan ka thënë se Türkiye dhe Mbretëria e Bashkuar kanë shënuar përparim të rëndësishëm në bashkëpunimin në të gjitha fushat, veçanërisht në industrinë e mbrojtjes.
Ai ka theksuar gjithashtu rëndësinë e Dokumentit të Kornizës së Partneritetit Strategjik dhe Dokumentit të Partneritetit për Sigurinë dhe Mbrojtjen, të nënshkruara nga dyja vendet, shtoi drejtoria.
Kreu i shtetit turk është shprehur se të dyja vendet do të vazhdojnë të punojnë së bashku për rritjen e tregtisë dypalëshe dhe për të arritur objektivat e tyre në fushën e investimeve.
