Ministri i Punëve të Jashtme i Türkiyes, Hakan Fidan, është takuar në kryeqytetin Otava me homologen e tij kanadeze, Anita Anand, gjatë një vizite zyrtare me qëllim forcimin e lidhjeve dypalëshe dhe strategjike.
Gjatë bisedimeve në nivel delegacionesh, Fidan dhe Anand diskutuan zgjerimin e partneriteteve politike dhe ekonomike përpara Samitit të ardhshëm të NATO-s, i planifikuar të mbahet më 7-8 korrik në Ankara.
Ata shkëmbyen pikëpamje mbi çështje urgjente rajonale dhe globale, përfshirë situatën në Lindjen e Mesme dhe luftën në Ukrainë.
Diskutimet u përqendruan gjithashtu në rritjen e tregtisë dypalëshe dhe shqyrtimin e mundësive të përbashkëta në sektorë kyç si energjia, mbrojtja, industria ajrore dhe hapësinore, si dhe minierat.
Vizita shënon udhëtimin e parë zyrtar dypalësh të ministrit Fidan në Kanada që nga emërimi i tij si ministër i Punëve të Jashtme.
