Mundësi Islam Dudaev i ka dhënë Shqipërisë medaljen e parë të artë në Lojërat Mesdhetare Taranto 2026.
Dudaev triumfoi në stilin e lirë, në kategorinë deri në 74 kilogramë. Ai u shpall fitues pasi kundërshtari i tij në finale, Fati Vejseli, i cili përfaqëson Maqedoninë e Veriut, u detyrua të tërhiqej për shkak të një dëmtimi.
TË REKOMANDUARA
Ministri i Turizmit, i Kulturës dhe i Sportit i Shqipërisë, Blendi Gonxhja, e cilësoi suksesin si një moment historik për sportin shqiptar.
“Islam Dudaev shkruan historinë duke fituar medaljen e artë në Lojërat Mesdhetare Taranto 2026 dhe duke i dhuruar Shqipërisë një sukses të jashtëzakonshëm në arenën ndërkombëtare! Një ditë historike për mundjen shqiptare! një medalje që na bën të gjithëve krenarë”, shkroi ministri.
BURIMI:ATA
