Ministri iranian i Punëve të Jashtme, Abbas Araghchi dhe homologu i tij saudit, Faisal bin Farhan Al Saud, gjatë një bisede telefonike kanë diskutuar çështje që lidhen me procesin diplomatik në vazhdim mes Iranit dhe ShBA-së si dhe zhvillimet më të fundit rajonale.
Ministria e Punëve të Jashtme e Iranit tha se dy kryediplomatët shkëmbyen pikëpamje mbi çështjet rajonale dhe përpjekjet aktuale diplomatike gjatë bisedës.
Më herët, zëdhënësi i ministrisë, Esmaeil Baqaei tha se bisedimet me ShBA-në vazhdonin ende përmes ndërmjetësimit pakistanez.
Tensionet rajonale janë përshkallëzuar që kur ShBA-ja dhe Izraeli nisën sulme kundër Iranit në muajin shkurt. Teherani u kundërpërgjigj me sulme që synonin Izraelin si dhe aleatët amerikanë në Gjirin Persik, së bashku me mbylljen e Ngushticës së Hormuzit.
Një armëpushim hyri në fuqi më 8 prill përmes ndërmjetësimit pakistanez, por bisedimet në Islamabad nuk arritën të prodhojnë një marrëveshje afatgjatë. Presidenti amerikan Donald Trump më vonë e zgjati armëpushimin pa afat.
