Туркије продолжува да бележи успеси во одбранбената индустрија и спроведува „целосна револуција“ во овој сектор, изјави во саботата турскиот претседател Реџеп Таип Ердоган.

Обраќајќи се на манифестацијата „ТЕХНОФЕСТ Југоисток“ во југоисточната турска провинција Шанлиурфа, Ердоган го истакна напредокот на Туркије во одбранбената индустрија и вети продолжување на работата врз досегашните достигнувања на земјата.

„Туркије продолжува да бележи успеси во одбранбената индустрија. Спроведуваме целосна револуција во оваа област“, рече Ердоган.

Тој додаде дека Туркије, кога тоа ќе биде побарано од неа, помага и во задоволувањето на одбранбените потреби на пријателските земји.

„Кога ќе побараат, ние исто така ги задоволуваме одбранбените потреби на нашите пријатели. Веруваме дека ќе бидеме посилни колку што нашите пријатели ќе бидат посилни“, рече тој.

Ердоган изјави дека Туркије ќе настојува дополнително да ја зајакне својата позиција во секторот преку нови рекордни достигнувања и напредни платформи.

„Со Божја помош, ќе достигнеме уште поголеми височини. Со Божја помош, дополнително ќе ги зајакнеме овие достигнувања со нови рекорди и нови висококонкурентни платформи со додадена вредност“, додаде Ердоган.