Генералниот секретар на ОН, Антонио Гутереш, денеска предупреди дека светот е „на работ на поширока војна“ што би можела да го зафати Блискиот Исток со драматични последици низ целиот свет.

„На работ сме на поширока војна што би го зафатила Блискиот Исток со драматични последици низ целиот свет“, изјави Гутереш во седиштето на ОН во Њујорк.

Обраќајќи се директно до клучните страни, Гутереш ги повика САД и Израел да ги прекинат непријателствата.

„Крајно време е да се запре војната што нанесува огромно човечко страдање и веќе предизвикува катастрофални економски последици“, рече тој.

Тој, исто така, го повика Иран да престане со нападите врз своите соседи, нагласувајќи дека „конфликтите не завршуваат сами по себе“, туку само „кога лидерите избираат дијалог наместо уништување“.

Гутереш ги нагласи глобалните економски влогови, предупредувајќи дека сегашното нарушување на Ормутскиот теснец го задушува протокот на критични стоки.

„Кога Ормутскиот теснец е задушен, најсиромашните и најранливите во светот не можат да дишат“, рече тој.