| Macedonian
РЕГИОН
1 мин читање
Се урна српски МиГ-29, пилотот загинал
Несреќата се случила околу 8.45 часот во близина на Стара Пазова, кога се урнал авионот МиГ-29 од 204. воздухопловна бригада, со кој управувал мајор Горан Булајиќ (53), а кој починал на самото место
Се урна српски МиГ-29, пилотот загинал
Причините за несреќата сѐ уште не се утврдени, соопшти Министерството за одбрана / Social Media

Авион МиГ-29 на српската армија се урнал утрово во близина на Стара Пазова. Во несреќата загинал пилотот на авионот, мајор Горан Булајиќ, потврди Министерството за одбрана на Србија.

На местото на настанот е излезена воената полиција и известен е надлежниот обвинител.

Според Министерството за одбрана, несреќата се случила околу 8.45 часот, кога се урнал авионот МиГ-29 од 204. воздухопловна бригада.

На местото на несреќата загинал пилотот мајор Горан Булајиќ (53) роден во Белград. Тој бил припадник на српската армија од 1996 година. Зад себе остави две деца.

Формирана е комисија за истрага на вонредниот настан, која има задача да ги утврди околностите на вонредниот настан и евентуалната одговорност на воената организација, како и експертската комисија на воздухопловните сили, која треба да ги утврди причините за авионската несреќа.

Министерот за одбрана Братислав Гашиќ и заменик-началникот на Генералштабот на српските вооружени сили, генерал-потполковник Тиосав Јанковиќ, кој е и командант на воздухопловните сили и противвоздушната одбрана, испратија телеграми со сочувство до семејството на загинатиот пилот на српските вооружени сили.

Заменик-началникот на Генералштабот се упати кон местото на несреќата.

Повеќе
Дуран: Израел користи дезинформации за да ги прикрие масакрите во Газа
ЕУ: Платформите на социјалните медиуми не ги отстрануваат пријавените измами
Фидан: Туркије мора да преземе водечка улога во зајакнувањето на регионалната поврзаност
АСЕАН и Јапонија го одржаа 29-тиот самит во Манила, ветуваат посилна соработка
Форензички експерт вели дека смртта на Епстин е поверојатно убиство отколку самоубиство
Израел фрла експлозив спакуван во кутии врз објекти во Газа
Палестина бара одговорност од Израел за прегазени осум лица
Венс ветува дека Трамп нема да дозволи конфликтот со Иран да прерасне во уште една „вечна војна“
Рама: Колку побрзо Србија го признае Косово, толку подобро ќе биде за сите во регионот
Новото тричлено претседателство на БиХ ја презеде функцијата
Турскиот министер за надворешни работи учествува на министерски состанок во Брисел
Папата Лав XIV од Латинска Америка упати пораки за вера и правда
Трамп: Прашањето за шпионажа над Енвидија ќе го покренам со кинескиот лидер Ши
Од полноќ ново намалување на цените на бензините и дизелот
Израел прогласи палестинско село за „затворена воена зона“ и ја протера европската делегација