Директорот на Државниот архив на Македонија Димитар Богески и директорот на Хрватскиот државен архив Динко Чутура, вчера во Загреб потпишаа Договор за соработка.
Со овој Договор се отвора простор за заеднички изложби, работилници, предавања, размена на стручни кадри и знаења, со посебен фокус на дигитализацијата, заштитата, обработката, конзервацијата и реставрацијата на архивскиот материјал.
Особено значајна е можноста за размена на искуства во процесот на дигитализација, со цел современо чување и поголема достапност на архивското наследство.
„На потпишувањето, беше присутен и амбасадорот на Република Македонија во Република Хрватска, д-р Драган Ѓурчевски. Упатуваме искрена благодарност до амбасадорот за неговото несебично залагање и посветеност во успешната реализација на овој значаен договор“, соопштија од Државниот архив.
