Турскиот претседател Реџеп Таип Ердоган денеска оствари телефонски разговор со италијанската премиерка Џорџа Мелони, на кој разговараа за билатералните односи, како и за регионалните и глобалните прашања, соопшти Дирекцијата за комуникации на Турција.
За време на разговорот, Ердоган рече дека Туркије работи на зајакнување на соработката со Италија во сите области, особено во одбранбената индустрија, и ја нагласи важноста од преземање нови чекори за понатамошно зајакнување на билатералните врски, според соопштението што Дирекцијата за комуникации го објави на американската платформа за социјални медиуми X.
Ердоган, исто така, рече дека Туркије очекува самитот на лидерите на НАТО следната недела во турската престолнина Анкара да го зајакне единството меѓу сојузниците, се додава во соопштението.
Се очекува Мелони да присуствува на самитот, кој ќе се одржи во вторник и среда.
