Американскиот претседател Доналд Трамп изјави дека се надева оти Хезболах ќе го почитува постигнатиот прекин на огнот меѓу Либан и Израел.

„Се надевам дека Хезболах ќе го стори вистинското и правилното нешто во овој важен период. Би бил одличен момент Тоа за нив ќе биде одличен момент ако така постапат“, објави Трамп.

„Нема повеќе убивање. Конечно мора да има мир“, додаде тој.

Во посебен пост околу три часа подоцна, американскиот претседател рече дека ова е историски ден за Либан и дека се случуваат добри работи.

Претходно Трамп го објави прекинот на огнот меѓу Израел и Либан по, како што рече, одличните разговори со либанскиот претседател Џозеф Аун и израелскиот премиер Бенјамин Нетанјаху.

„Тукушто имав одлични разговори со високо почитуваниот претседател на Либан, Џозеф Аун, и премиерот на Израел, Биби Нетанјаху“, напиша Трамп.

Соопштението уследи по разговорите меѓу либанската и израелската делегација, посредувани од САД, одржани во Стејт департментот во Вашингтон.

САД и Израел започнаа напади врз Иран на 28 февруари, предизвикувајќи одмазда од Техеран против американските сојузници во Заливот, а Хезболах од Либан возврати на нападите на Израел. Како одговор, Израел започна напади врз Либан, при што загинаа повеќе од 2.000 луѓе, а еден милион се внатрешно раселени во последните шест недели.

Војната со Иран е исто така во моментов е запрена по примирјето, а во тек се разговори за нејзино трајно завршување.