Иран го критикува пристапот на САД во преговорите. Ердоган отпатува во Саудиска Арабија на средби на највисоко ниво. Советот за безбедност на ОН го осуди нападот во Пакистан, Австралија ја заврши вежбата „Пич Блек 2026“.

Слушате Блиц вести на ТРТ Балкан на македонски, денеска е петок 7 август

Главниот преговарач на Иран ја критикува „театарската дипломатија“ на САД

Мохамад Багер Галиба претседателот на иранскиот парламент и главен преговарач во разговорите со САД го критикуваше она што го опиша како „театарска дипломатија во јамка“ на САД, осврнувајќи се на моделот на најавување напади од страна на претседателот Доналд Трамп, а подоцна и нивно откажување. „Следува масовен напад... чекајте, тоа веќе не важи, сега сакаат да преговараат. Тоа е театарска дипломатија“, објави Мохамад Багер Галибаф. 

Претседателот Ердоган отпатува за Саудиска Арабија за средби на највисоко ниво

Турскиот претседател Реџеп Таип Ердоган денес замина за Саудиска Арабија во еднодневна работна посета. За време на посетата, се очекува Ердоган да се сретне со саудискиот престолонаследник и премиер Мохамед бин Салман и со пакистанскиот премиер Шехбаз Шариф.

СБОН го осуди самоубиствениот бомбашки напад во Пакистан кој одзеде 16 животи

Советот за безбедност на ОН го осуди самоубиствениот бомбашки напад во неделата пред полициска станица во северозападен Пакистан, во кој загинаа 16 луѓе. Нарекувајќи го бомбардирањето „неодговорен терористички чин“, советот изрази „најдлабоко сочувство“ до семејствата на жртвите, како и до пакистанските влада и народ.

Австралија ја заврши вежбата „Пич Блек 2026“

Австралија денес ја заврши вежбата „Pitch Black 2026“, тринеделна воздушна борбена вежба со висок интензитет што се одржа над Северната територија на земјата. Двегодишните вежби собраа околу 2.500 лица и 100 авиони од 21 партнерска земја, според соопштението на Министерството за одбрана. Иако вежбата заврши, операциите со воени авиони ќе продолжат во текот на август.

И за крај на денешниот блиц…

17 јеменски војници убиени во ракетни и дронски напади на Хутите

Седумнаесет јеменски војници и офицери беа убиени, а неколку други беа повредени во напад на групата Хути со балистички ракети и беспилотни летала полни со експлозив, соопшти јеменската војска. Локалните медиуми објавија дека нападите биле насочени кон владините сили во провинциите Мариб и Хадрамавт.

Тоа е сѐ за денешните блиц вести. За повеќе посетете нѐ на macedonian.trtbalkan.com