Трамп ја поздрави рекордната победа на АфД на германските покраински избори. Израел нареди затворање на британскиот Конзулат во Источен Ерусалим

Слушате Блиц вести на ТРТ Балкан на македонски, денеска е среда 9 септември

Трамп ја поздрави рекордната победа на АфД на германските покраински избори

Американскиот претседател Доналд Трамп ја пофали германската десничарска партија Алтернатива за Германија (АфД) откако обезбеди рекорден резултат на изборите во државата, припишувајќи го нејзиниот успех на противењето на имиграциската политика на земјата. „Популистичката партија во Германија штотуку имаше навистина голема ноќ“, напиша Трамп во објава на неговата платформа „Трут соушал“.

Израел нареди затворање на британскиот Конзулат во Источен Ерусалим

Израел го извести британскиот Конзулат во окупираниот Источен Ерусалим дека мора да се затвори во рок од 30 дена, објави денеска израелскиот јавен сервис КАН. Овој потег следува откако британскиот секретар за надворешни работи Ед Милибенд објави забрана за увоз од израелските населби на окупираниот Западен Брег, како и санкции насочени кон компаниите и поединците вклучени во проширувањето на населбите.

Иран тврди дека нападнал американски бродови и танкери во Персискиот Залив како одговор на агресија

Корпусот на Исламската револуционерна гарда (ИРГК) на Иран денеска соопшти дека нејзините поморски сили гаѓале два американски брода и осум танкери за нафта во Персискиот Залив, тврдејќи дека нападите им нанеле голема штета на бродовите. Во соопштението, ИРГК истакна дека нападите биле „извршени како одговор на американската агресија, вклучително и нападот врз пет ирански танкери за нафта во Персискиот Залив“.

Израел продолжува со воздушните и артилериските напади низ јужен Либан

Израелските сили извршија воздушни и артилериски напади низ неколку области на јужен Либан рано утрово, објавија либанските државни медиуми. Како што јави Националната новинска агенција (ННА), израелските воени авиони ја нападнале периферијата на Набатија ал-Фавка кон Кфар Тебнит в зори, додека со повремено артилериско гранатирање бил погоден Доха Кфар Руман.

И за крај на денешниот блиц…

Уапсен поранешниот директор на Државна лотарија Прпарим Бајрами, сам и се предал на полицијата

Поранешниот директор на Државната лотарија Прпарим Бајрами утринава околу 5:30 часот бил уапсен откако сам пеш им се предал на македонските власти на граничниот премин Блаце, информира македонското Министерство за внатрешни работи. Тој ќе биде спроведен на понатамошна постапка пред надлежните органи. Бајрами беше во бегство од 2024 година. Тој е обвинет за незаконско работење на Државната лотарија заедно со поранешниот вицепремиер Артан Груби.

Тоа е сѐ за денешните блиц вести. За повеќе посетете нѐ на macedonian.trtbalkan.com