Туркије и Босна и Херцеговина се пласираа на Мундијалот, а иранскиот претседател ја предупреди Европа за ставовите околу војната

Слушате Дневни блиц вести, денес сме среда 1 април

Туркије и Босна и Херцеговина ги добија баражите за пласман на Мундијалот

Репрезентациите на Туркије и Босна и Херцеговина се меѓу нациите кои успешно ги завршија бараж турнирите. Туркије победи со еден гол на гостувањето во Косово на стадионот Фадил Вокри во Приштина. Босна и Херцеговина се избори за пласман на Мундијалот со победата на пенали над Италија.

29 загинати при уривање на руски воен авион на Крим

Руското Министерство за одбрана во среда соопшти дека воен авион се урна над Кримскиот полуостров, при што загинаа 29 лица. Екипа за пребарување и спасување го лоцирала местото на падот на авионот Антонов, но никој не преживеал. Засега не се соопштени причините за уривањето. 

Шрапнели од соборен дрон усмртија едно лице во ОАЕ

Oстатоци од пресретнат дрон убија едно лице во средата откако паднаа на фарма во емиратот Фуџаира, на источниот брег на Обединетите Арапски Емирати (ОАЕ), потврдија локалните власти. Загинатиот е државјанин на Бангладеш. 

ОН: Осуда за законот за егзекуција на палестински затвореници во Израел

Обединетите нации го осудија носењето на израелскиот закон за изрекување смртна казна врз палестински затвореници кои извршиле смртоносен напад врз Израелци. Според портпаролот Стефан Дужарик законот е дискриминаторски и суров и ја повика израелската власт да не го спроведува. 

И за крај на денешниот блиц…

Пезешкијан: Интервенцијата во војната ќе има сериозни последици

Иранскиот претседател Масуд Пезешкијан разговараше со Антонио Кошта претседателот на Европскиот совет за принципиелниот став во однос на почитување на меѓународното право и барањето Европа да не интервенира во војната бидејќи ќе се соочи со сериозни последици. Кошта истакна дека не ја поддржува војната и побара страните да се вратат на преговарачка маса. 

Тоа беше сѐ за денешните блиц вести, за повеќе информации следете нѐ на социјалните мрежи