Во февруари оваа година започна примената на „Безбеден град“ (Safe City) - националниот проект за автоматизиран видеонадзор и контрола на сообраќајот. А со него, порасна и употребата на апликацијата „Waze“, која ја користат возачите кои сакаат да ги избегнат казните од проектот „Безбеден град“.

Интересен момент е тоа што корисниците на „Waze“ можат да ги видат локациите на камерите на Safe City директно во апликацијата. Така, системите кои не се официјално интегрирани, сепак се прикажуваат на дигиталната мапа преку придонесот на корисниците. Градовите добиваат дигитална копија која е подеднакво реална како и физичката.

Зад оваа инфраструктура стои технолошкиот и безбедносниот систем на Израел.

Israel Defense Forces создава експерти во анализа на податоци, сајбер-безбедност и вештачка интелигенција, а овие знаења се пренесуваат во цивилни и воени технологии. Технологиите на Elbit Systems се создадени првично за воени потреби, а потоа се адаптираат за градските системи за надзор. Всушност, сето ова го отвора прашањето за безбедноста и контрола на податоците.