Presidenti i Türkiyes, Recep Tayyip Erdoğan, tha se Marrëveshja e Përbashkët e Mbrojtjes së Mekës, e nënshkruar më herët gjatë ditës midis Türkiyes, Arabisë Saudite dhe Pakistanit, nuk synon asnjë vend dhe mbetet e hapur për pjesëmarrjen e vendeve të tjera mike që synojnë paqen, prosperitetin dhe stabilitetin në rajon.
Në një postim në platformën turke NSosyal, Erdoğan, tha se marrëveshja, e bazuar në parimin e parandalimit kolektiv, do të forcojë sigurinë dhe bashkëpunimin në mbrojtje, projektet e përbashkëta të industrisë së mbrojtjes dhe përpjekjet kundër terrorizmit.
Türkiye, shtoi ai, do të vazhdojë qëndrimin e saj parimor në favor të zgjidhjes së konflikteve dhe krizave përmes dialogut dhe diplomacisë, bazuar në respektimin e së drejtës ndërkombëtare.
