Një fëmijë palestinez u vra dhe një tjetër u plagos sot, pasi një dron izraelithodhi një bombë mbi ta ndërsa po mbushnin ujë në lindje të Qytetit të Gazës.

“Një fëmijë u vra dhe një tjetër u plagos kur një dronkuadkopter izraelit hodhi një bombë mbi ta teksa po mbushnin ujë pas xhamisë 'Al-Omari' në lindje të Qytetit të Gazës”, thuhet në një deklaratë të Mbrojtjes Civile të Gazës.

Shumë palestinezë të zhvendosur, shtëpitë e të cilëve janë shkatërruar nga Izraeli, mbështeten nëtenda dhe strehimore që nuk kanë rrjet të rregullt furnizimi me ujë, duke u detyruar të marrin ujë nga pika publike dhe rezervuarë, ndonjëherë larg vendit ku jetojnë.

Sulmi ndodhi mes shkeljeve të vazhdueshmeizraelite të marrëveshjes së armëpushimit, i cili u shpall më 10 tetor 2025. Sipas Ministrisë së Shëndetësisë në Gaza, këto shkelje kanë vrarë 1.059 palestinezë dhe kanë plagosur 3.429 të tjerë.

Që nga fillimi i gjenocidit në Gaza më 8 tetor 2023, Izraeli ka vrarë mbi 73 mijë palestinezë dhe ka plagosur më shumë se 173 mijë të tjerë, ndërsa shkatërrimet e gjera kanë prekur rreth 90 për qind të infrastrukturës civile.