Ministri i Jashtëm i Türkiyes, Hakan Fidan, në Nju Jork mori pjesë në takimin e gjashtë të ministrave të Jashtëm të Türkiyes, Egjiptit, Pakistanit dhe Arabisë Saudite, në kuadër të aktiviteteve diplomatike në margjinat e Asamblesë së Përgjithshme të Kombeve të Bashkuara.
Ministria e Jashtme e Türkiye-së njoftoi në rrjetin social X se Fidan mori pjesë në takimin ku ishin të pranishëm drejtuesit e diplomacive të katër vendeve.
Fidan gjithashtu mori pjesë në një takim koordinues të zhvilluar në margjinat e Asamblesë së Përgjithshme të OKB-së, ku u takuan ministrat e Jashtëm të Emirateve të Bashkuara Arabe, Indonezisë, Katarit, Egjiptit, Pakistanit, Arabisë Saudite dhe Jordanisë.
Takimet u zhvilluan në kuadër të kontakteve diplomatike të Fidanit në Nju Jork, ku ai po merr pjesë në një sërë takimesh të nivelit të lartë në margjinat e Asamblesë së Përgjithshme të OKB-së.
