Руското Министерство за вонредни ситуации денеска објави дека синоќа за Либан тргнал специјален лет со 27 тони хуманитарна помош.
Министерството во соопштението наведува дека помошта вклучува мобилни електрани, храна, шатори, ќебиња и комплети за спиење.
„На авионот Ил-76 на министерството има повеќе од 27 тони товар: мобилни електрани, залихи од храна, шатори, ќебиња, душеци и перници“, се вели во соопштението.
ПРЕПОРАЧАНО
Испораката е организирана по наредба на претседателот Владимир Путин и директива на министерот за вонредни ситуации Александар Куренков, соопшти министерството.
Исто така на повратниот лет од Бејрут до Москва, руските граѓани и членовите на нивните семејства ќе бидат вратени, се вели во соопштението.
