Иранската амбасада во Атина ги отфрли како „целосно неосновани“ медиумските наводи за заговор за атентат во Грција поврзан со иранската разузнавачка служба, обвинувајќи го Израел за спроведување пропагандна кампања.
Амбасадата соопшти дека „ги отфрла како целосно неосновани тврдењата“ изнесени од одредени медиуми, кои им припишуваат наводен терористички заговор на лица поврзани со Иран.
„Овие неосновани обвинувања се дел од дискредитирачката кампања на израелскиот режим и неговите механизми за пропаганда и психолошка војна насочени кон оцрнување на имиџот на Иран, по претходните операции со ’лажно знаме’, и се лишени од каква било вредност или кредибилитет“, соопшти амбасадата.
Во соопштението се додава дека сите мора да останат будни во однос на „погрешните измислици“.
Ова дојде откако грчките медиуми вчера објавија дека разузнавачките служби откриле наводен заговор за атентат насочен кон неидентификувано лице во Грција, што довело до приведување на петмина државјани на Северна Македонија осомничени за подготовка на напад поврзан со иранската разузнавачка служба во заедничка операција.
Понатаму се тврди дека петтемина државјани на Северна Македонија се осомничени за подготовка на терористички напад по налог на иранскиот државјанин Едрис Џахангири Маванех, поврзан со иранските разузнавачки служби.






















