Денес во Охрид се одржува Петтиот интерпарламентарен форум на Делегациите од Југоисточна Европа Во ПС на ОБСЕ.

Темата на овогодинешниот Форум е кибербезбедноста.

Како што соопшти прес-службата на Собранието, претседателот на Собранието на Северна Македонија, Африм Гаши, во своето обраќање нагласи дека кибербезбедноста денес не е само техничко прашање, туку тоа е прашање на национална безбедност, економска стабилност и дел од темелите на довербата на граѓаните во институциите.

„Улогата на парламентите е да креираат соодветни законски рамки, да обезбедат ефективен надзор и да поттикнат соработка не само на национално, туку и на регионално ниво“, рече Гаши.

Претседателот на ПС на ОБСЕ, Пере Понс преку видео порака порача дека „кибербезбедноста е трансверзално прашање со кое сите се справуваме, сите сме загрижени за тоа како одговараме на кибернападите, заканите по кибербезбедноста и на дезинформациите.“

„Од суштинска важност е институциите да имаат одговори за справување со тековни предизвици“, нагласи Понс.