Петнаесет бродови поминале низ Ормускиот теснец во последните 24 часа откако добиле дозвола од Иран, објавија иранските медиуми во неделата.
Полуофицијалната новинска агенција Фарс соопшти дека на бродовите им било дозволено да поминат низ стратешкиот воден пат откако добиле одобрение од иранските власти.
Агенцијата додава дека бродскиот сообраќај низ теснецот останува за 90 проценти помал отколку што бил пред САД и Израел да започнат напади врз Иран кон крајот на февруари.
Регионот е во состојба на зголемена готовност откако САД и Израел започнаа заедничка офанзива против Иран на 28 февруари, во која досега загинаа повеќе од 1.340 луѓе, вклучувајќи го и тогашниот врховен лидер ајатолахот Али Хамнеи.
Иран возврати со напади со беспилотни летала и ракети насочени кон Израел, како и кон Јордан, Ирак и земјите од Персискиот Залив кои имаат воено седиште на САД. Исто така, го ограничи и превозот низ Ормутскиот теснец.
