Романскиот парламент премолчено го одобри предлогот насочен кон обединување на Романија и Молдавија откако истече рокот за дебата и конечно гласање.

Иницијативата беше формално потврдена од претседателката на седницата, Наталија Интотеро, за време на пленарната седница на романскиот Дом на пратеници, долниот дом на парламентот, која објави дека нацрт-законот се смета за усвоен поради недостаток на дебата во предвидениот рок.

„Предлогот e во врска со обединувањето на Романија со Република Молдавија. Рокот за дебата и конечно гласање е пречекорен, па затоа предлогот се смета за усвоен“, изјави Интотеро пред парламентот.

Нацрт-законот наводно ги потврдува ставовите на парламентот во врска со историските и политичките врски на Романија со Молдавија и се однесува на пошироките геополитички и историски аргументи презентирани од неговите иницијатори.

Процесот на премолчено одобрување се одвива во рамките на парламентарната постапка кога долниот дом не успее да гласа за предлог-законот во рокот пропишан со Уставот, што му овозможува автоматски да премине во следната фаза од законодавниот процес.

Предлогот, кој не е правно обврзувачки, мора да се дискутира во Сенаттот на Романија во согласност со националното законодавство.