Министерството за одбрана на САД не објавило десетици повреди на војници и предизвикани штети на опрема од иранските напади во неделата што му претходеше на фаталниот напад во петокот, открива извештај на „Њујорк тајмс“.

Во извештајот, цитирајќи неколку американски претставници, се тврди дека Техеран извршил три напади врз американските сили во Јордан пред нападот во кој загинаа двајца војници, а друг се води како исчезнат.

Овие претходни инциденти наводно резултирале со повеќекратни повреди на припадници на војската и оштетување на неколку хеликоптери. Сепак, Пентагон молчеше во врска со овие жртви, наведувајќи ја потребата од оперативна безбедност.

Воен претставник истакна дека Централната команда (ЦЕНТОКОМ) нема законска обврска да пријавува повреди, особено кога персоналот брзо се враќа на должност.

Вкупниот број на американски војници убиени од почетокот на војната на 28 февруари достигна 16, додека повеќе од 400 други се повредени.