Regjisori amerikan, fitues i çmimit Oskar, Oliver Stone kritikoi atë që ai e përshkroi si militarizëm të vazhdueshëm të Amerikës, duke thënë se vendi ka një "uri për luftë" dhe duke e paralajmëruar rrezikun e një konflikti edhe më të madh.
Duke folur në "Casa del Cinema" të Romës gjatë një shfaqjeje të filmit të tij të vitit 1989 "Born on the Fourth of July" (i lindur më 4 korrik), Stone reflektoi mbi luftën e Vietnamit dhe konfliktet pasuese në ShBA, sipas të përditshmes italiane "La Repubblica" të martën.
"Amerika ka uri për luftë, është një lloj nevoje e këtij vendi. Mendoj se është gjëja më e trishtë që kam parë ndonjëherë", tha Stone duke shtuar se "Shumë prej tyre janë thjesht absurde dhe vendi ynë është lënduar thellësisht nga kjo".
Stone, një veteran i luftës së Vietnamit, i njohur për filmat si "Toga", "JFK" dhe "Born on the Fourth of July", tha se mësimet e konflikteve të mëparshme kanë kaluar pa u vënë re. "Ne u jemi kthyer zakoneve të këqija. Dhe zakonet e këqija vazhdojnë", theksoi ai.
Stone tha se ShBA-ja ka marrë një "rrugë shumë më militariste" që kur filmi i tij u publikua në vitin 1989, duke paralajmëruar: "Shpresoj që njerëzit ta mbajnë mend, ta shikojnë dhe ta mbajnë mend. Përndryshe do të gjejmë veten në një luftë edhe më të madhe dhe më të keqe. Dhe do të ketë edhe më shumë dhimbje".
