Zonja e parë e Türkiyes, Emine Erdoğan, mori pjesë në një aktivitet kulturor të organizuar nga zonja e parë e Kirgistanit, Aigul Japarova, në kryeqytetin Bishkek, në kuadër të aktiviteteve të samitit të Organizatës së Bashkëpunimit të Shangait (SCO).
Në aktivitet morën pjesë gjithashtu zonja e parë e Azerbajxhanit dhe zëvendëspresidentja e parë Mehriban Aliyeva, zonja e parë e Kinës Peng Liyuan dhe zonja e parë e Uzbekistanit Ziroat Mirziyoyeva.
Bashkëshortet e liderëve vizituan një ekspozitë me punime artizanale tradicionale kirgize dhe ndoqën shfaqje muzikore dhe vallëzimi popullor nga fëmijë dhe të rinj kirgizë.
"Duke shqyrtuar nga afër secilën pjesë të krijuar nga duar të afta, zbuluam shembuj unikë që pasqyrojnë estetikën dhe mjeshtërinë e kulturës kirgize", tha Emine Erdoğan në rrjetet sociale.
Ajo shtoi se meloditë e interpretuara nga fëmijët "i shtuan një bukuri të veçantë ditës sonë".
