Türkiye dhe Bullgaria diskutuan mbi hapat për forcimin e lidhjeve dypalëshe të transportit dhe zgjerimin e kapacitetit hekurudhor mes trafikut në rritje të mallrave, tha sot ministri turk i Transportit dhe Infrastrukturës, Abdulkadir Uraloglu.
Uraloglu u takua me ministrin bullgar të Transportit dhe Komunikimit, Georgi Peev dhe delegacionin e tij në Sofje, kryeqyteti bullgar.
Bisedimet u përqendruan në zhvillimin e infrastrukturës ndërkombëtare të transportit për të akomoduar rritjen e trafikut hekurudhor nën projektin e "Rrugës së Zhvillimit", shkroi Uraloglu në platformën turke të mediave sociale NSosyal.
Të dy palët vlerësuan planet për një lidhje të dytë hekurudhore dhe konvertimin e seksioneve të linjës hekurudhore kufitare Plovdiv-Svilengrad-Türkiye në infrastrukturë me dy binarë.
Uraloglu tha se Türkiye do të vazhdojë të punojë për të siguruar që lidhjet më të forta të transportit midis dy vendeve të kontribuojnë më tej në tregtinë dhe transportin midis Evropës dhe Azisë.
