Türkiye sot shënon Ditën e Sovranitetit Kombëtar dhe të Fëmijëve, me një ditë të plotë ceremonish dhe festimesh zyrtare të udhëhequra nga zyrtarë shtetërorë.
Në mbarë vendin, festimet mbahen në shkolla, sheshe publike dhe stadiume, ndërsa ngjarjet përfshijnë valle popullore, parada, shfaqje kulturore dhe festivale ndërkombëtare për fëmijë.
Kryeqyteti turk Ankaraja organizon ceremonitë kryesore shtetërore ku marrin pjesë zyrtarë të lartë, përfshirë vizitat në Anıtkabir, mauzoleun e Ataturkut, ku vendosen kurora në nder të tij.
23 Prilli përkujton hapjen e Asamblesë së Madhe Kombëtare Turke në vitin 1920, një moment kyç në luftën turke për pavarësi që hodhi themelet e Republikës moderne.
Kjo ditë iu dedikua zyrtarisht fëmijëve nga Mustafa Kemal Atatürk, themeluesi i Republikës së Türkiyes, i cili e shpalli 23 Prillin si ditë për fëmijët në vitin 1929. Më vonë, ai ua besoi festën fëmijëve si një simbol të së ardhmes së vendit dhe rëndësisë së të rinjve në ndërtimin e kombit.
