Presidenti i Türkiyes, Recep Tayyip Erdoğan, ka zhvilluar një bisedë në telefon me homologun e tij iranian, Masoud Pezeshkian, ku ka diskutuar armëpushimin e përkohshëm dyjavor midis ShBA-së dhe Iranit dhe sigurinë rajonale.

Sipas Drejtorisë së Komunikimeve të Türkiyes, Erdoğan tha se Türkiye, së bashku me vendet e tjera të interesuara, ka bërë "përpjekje intensive" në procesin që çon në armëpushim.

Ai tha se bisedimet e ardhshme midis Teheranit dhe Uashingtonit duhet të përdoren plotësisht për të siguruar paqe dhe stabilitet të qëndrueshëm.

Erdoğan theksoi rëndësinë e "mosdhënies së mundësisë atyre që duan të sabotojnë" procesin e paqes, duke shprehur gatishmërinë e Ankarasë për ta ofruar "gjithë mbështetjen e mundshme në fazën e re".

Të martën, Irani dhe ShBA-ja njoftuan një armëpushim dyjavor që synon të hapë rrugën për një marrëveshje përfundimtare për t'i dhënë fund luftës, e cila ka lënë mijëra të vdekur dhe të plagosur që nga 28 shkurti.

Raundi i parë i negociatave zyrtare pritet të zhvillohet në Islamabad të shtunën.