Presidenti turk Recep Tayyip Erdoğan priti të hënën në Istanbul 11-vjeçarin Ramadan Abu Jazar dhe familjen e tij nga Gaza, i cili njihet për videot e tij në rrjetet sociale që pasqyrojnë situatën humanitare në Gaza.
Erdoğan u takua me Jazarin në Zyrën Presidenciale të Punës në Dolmabahçe në Istanbul, sipas burimeve diplomatike turke.
Takimi, i mbajtur i mbyllur për mediat, u ndoq gjithashtu nga babai dhe tezja e Jazarit.
Gjatë pritjes, ai i dhuroi presidentit Erdoğan një libër të shkruar prej tij.
Nuk u publikuan informacione të tjera lidhur me takimin.
Ramadan, i cili aktualisht ka 1,5 milion ndjekës në Instagram, publikon rregullisht përmbajtje mbi situatën në Gaza, duke e pasqyruar jetën e tij të përditshme dhe duke zhvilluar intervista informale. Në biografinë e tij në rrjetet sociale, ai e përshkruan punën e tij si “përhapje e shpresës përmes fjalëve”.
