Dhjetëra pushtues izraelitë hynë në kompleksin e Xhamisë Al-Aksa në Jeruzalemin Lindor të pushtuar nën mbrojtje të fortë policore të mërkurën, ndërsa tensionet vazhdojnë të rriten në të gjithë Bregun Perëndimor të pushtuar, thanë autoritetet palestineze.
Guvernatorati i Jeruszalemit tha se pushtuesit lëvizën nëpër oborret e kompleksit dhe kryen rituale fetare provokuese, përfshirë atë që quhet “sexhde epike”, pranë portës Bab al-Rahma dhe në Kupolën e Shkëmbit brenda kompleksit.
Grupet e lidhura me të ashtuquajturën lëvizje e Tempullit shpërndanë thirrje që inkurajonin më shumë pushtues të hynin në këtë vend të ndjeshëm dhe të ngrinin flamuj izraelitë brenda oborreve të tij, shtoi guvernatorati në një deklaratë të publikuar nga agjencia zyrtare e lajmeve Wafa.
Ky inkursion erdhi ndërsa policia izraelite vazhdoi të ashpërsojë kufizimet në të gjithë Jeruzalemin Lindor duke vendosur pika kontrolli, duke mbyllur rrugë dhe duke kufizuar hyrjen e besimtarëve në xhami.
Që nga fillimi i prillit, ritmi i këtyre hyrjeve është rritur, me pushtues izraelitë që kryejnë rituale publike brenda kompleksit.
Javën e kaluar, ministri izraelit i Sigurisë Kombëtare, Itamar Ben-Gvir, hyri në kompleks dhe kreu rituale talmudike së bashku me pushtuesit, duke shënuar hyrjen e tij të tretë të këtij lloji këtë vit dhe të 16-ën që nga marrja e detyrës në fund të vitit 2022.
Xhamia Al-Aksa është vendi i tretë më i shenjtë për myslimanët në botë. Hebrenjtë e quajnë këtë zonë Mali i Tempullit, duke pretenduar se aty kanë qenë dy tempuj hebrenj në kohët e lashta.
Që nga viti 2003, policia izraelite ka lejuar në mënyrë të njëanshme hyrjen e pushtuesve në xhami çdo ditë në dy periudha, gjatë orëve të mëngjesit dhe pasdites, përveç të premteve dhe të shtunave.
Palestinezët thonë se Izraeli po intensifikon përpjekjet për ta judaizuar Jeruszalemin Lindor, përfshirë Xhaminë Al-Aksa, dhe për të fshirë identitetin e tij arab dhe islam.
Palestinezët e konsiderojnë Jerusalemin Lindor si kryeqytetin e shtetit të tyre të ardhshëm, bazuar në rezoluta ndërkombëtare që nuk e njohin pushtimin e qytetit nga Izraeli në vitin 1967 apo aneksimin e tij në vitin 1980
