200 паралелки помалку во основното и 100 паралелки помалку во средното образование и затворање на 26 рурални училишта. Ова е состојбата во македонското образование која е резултат на малиот број запишани првачиња.

Според министерката за образование Весна Јаневска тоа се прави со цел да им се овозможи социјализација на учениците и да се подобри квалитетот на образованието.

„Не сакаме нивно изолирано постоење во одредена рурална средина каде што владеат одредени принципи, па и одредени стереотипи и каде што квалитетот на образованието не може да биде соодветен заради малиот број на ученици. Ако имаме централно училиште во кое учат 200 деца, а на 2,5 километри имаме училиште во кое учат 18 деца, нема логика да ги чуваме заробени децата во тоа училиште” рече Јаневска.

Училиштата нема да се затвораат ако најблиското училиште е оддалечено 15 или 20 километри или ако патиштата се несоодветни и небезбедни за малите деца.