Од полноќ стапуваат во сила нови, повисоки цени на горивата, а дизелот ја надмина границата од 100 денари за литар.

Според новата одлука на Регулаторната комисија за енергетика, ЕУРОДИЗЕЛ БС поскапува за 3,50 денари и ќе се продава по највисока цена од 101,50 денари за литар. Минатата недела дизелот чинеше 98 денари за литар.

Поскапуваат и бензините. ЕУРОСУПЕР БС-95 ќе чини 93 денари за литар, а ЕУРОСУПЕР БС-98 95 денари за литар, што е зголемување од 1,50 денари. Екстра лесното масло поскапува за два денари и ќе чини 100,50 денари за литар, додека мазутот ќе се продава по 45,576 денари за килограм.

Во просек, малопродажните цени на нафтените деривати се зголемуваат за 2,62 проценти во однос на цените утврдени на 17 август. РКЕ наведува дека во меѓувреме референтната цена на дизелот на светскиот пазар пораснала во просек за 4,842 проценти.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,5340%.

Новите цени ќе се применуваат од 00:01 часот на 25 август.