Туркије внимателно ја следи состојбата на двајца турски членови на екипажот кои беа повредени откако товарен брод во турска сопственост, под панамско знаме, беше нападнат од дрон кај украинското пристаниште Черноморск.

Во писмена изјава, Министерството за надворешни работи соопшти дека дознало дека двајца турски државјани кои служеле на бродот биле ранети во нападот.

„Состојбата на нашите граѓани внимателно ја следат нашата амбасада во Киев и нашиот генерален конзулат во Одеса“, се вели во соопштението на турското МНР.

Министерството, исто така, соопшти дека Туркије им ја пренела својата загриженост и на Русија и на Украина во врска со нападите во Црното Море кои ги загрозуваат турските интереси и регионалната безбедност во услови на ескалација на војната.

Нагласено е дека обезбедувањето на безбедноста на цивилните бродови во Црното Море останува еден од главните приоритети на Туркије и ги повика сите релевантни страни да преземат чекори за намалување на тензиите во регионот.