Турското Министерство за национална одбрана денес го поздрави распуштањето на групата Сириски демократски сили (СДФ) и нејзината интеграција во сириските државни институции.

Министерството соопшти дека овој потег претставува важен развој за зачувување на суверенитетот и територијалниот интегритет на Сирија и за зајакнување на принципот „една држава, една армија“.

Изјавите од Министерството се дадени како одговор на прашањето за распуштањето и интеграцијата за време на неделниот брифинг со новинарите во турската покраина Афјонкарахисар.

„Нашите Турски вооружени сили ќе продолжат со поддршката, во рамките на постојниот договор за воена соработка, за да помогнат позитивниот напредок постигнат во Сирија да се прошири низ целата земја, да се обезбеди трајна стабилност и да се зајакнат капацитетите на сириската армија, особено во борбата против тероризмот“, се наведува во соопштението.

Министерството, исто така, соопшти дека внимателно ги следи нападите на Израел врз Сирија и нагласи дека тие мора да престанат колку што е можно поскоро.

Се додава дека ги следи и напорите на САД за воспоставување механизам за деескалација што би ја вклучувал Сирија.