Сите осомничени за бомбашките напади од 2013 година во Рејханли, округ во турската провинција Хатај, се уапсени во операции координирани од Националната разузнавачка организација (МИТ).

Процесот на апсење на одговорните за нападите започна со фаќањето на терористот Јусуф Назик во 2018 година. Продолжи со апсењата на Мухамед Диб Корали и Темир Дуканџи во 2025 година, по што следеше и апсењето на Омар ал-Хатиб во 2026 година.

Надлежните органи ги доведоа сите четворица во Туркије преку различни операции.

Според безбедносни извори, неодамна, во операција спроведена од МИТ и сириската Генерална разузнавачка служба, во близина на сириската граница е фатен терористот Михарач Урал- кој се наоѓал во „црвената категорија“ на турската листа на барани терористи- додека се обидувал да побегне во странство.

Детали за апсењата

Јусуф Назик, еден од организаторите на нападите во Рејханли, беше фатен во операција на МИТ во Латакија, Сирија, на 12 септември 2018 година, по што беше донесен во Туркије.

Околу шест години по фаќањето на Назик, во операција на МИТ беше уапсен и Мухамед Диб Корали, кој бил еден од планерите на нападите.

Корали, за кого се наведува дека бил вклучен во набавката на бомбите, беше донесен во Туркије по операција спроведена во Сирија на 14 јануари 2025 година.

Темир Дуканџи, кој се наоѓаше во „портокаловата категорија“ на турската листа на барани терористи, беше фатен во операција долж границата меѓу Сирија и Либан.

Омар ал-Хатиб беше последната цел во операциите насочени против одговорните за нападите.

Ал-Хатиб, кој се бараше врз основа на „црвена потерница“, беше фатен од МИТ на 1 октомври, додека се обидувал да побегне во Европа по морски пат.

На 11 мај 2013 година, во два одделни бомбашки напади во округот Рејханли, во јужната провинција Хатај, загинаа 53 лица, а голем број цивили беа ранети.