По речиси еден месец фудбалски спектакл, Светското првенство го има првиот ден без натпревар.

Швајцарската фудбалска репрезентација ноќеска последна обезбеди место меѓу осумте најдобри селекции на Светското првенство во САД, Канада и Мексико, откако по подобро изведување пенали ја елиминираше Колумбија.

По 120 минути без голови (0:0), победникот беше решен во пенал-рулетот, каде Швајцарците славеа со 4:3 и изборија голем четвртфинален дуел против Аргентина.

По завршувањето на осминафиналето, познати се сите четвртфинални двојки

Французите стигнаа до четвртфиналето со победа над Парагвај од 1:0, додека Мароко лесно победи еден од домаќините, Канада, со резултат од 3:0.

Шпанија во европската класика во осминафиналето ја совлада Португалија (1:0), додека, од друга страна, Белгија лесно ги победи САД со резултат од 4:1.

Норвешка ја продолжи својата мундијалска бајка со победа од 2:1 над Бразил, додека Англија, по тешка борба, го елиминираше Мексико со 3:2.

Аргентина, пак, стигна до четвртфиналето по спектакуларниот пресврт против Египет со 3:2.

Сепак, најголем удар доби Белгија, која во продолжението на турнирот ќе мора без еден од своите важни играчи – Амаду Онана.

Играчот од средниот ред на Астон Вила заработи тешка повреда на предниот вкрстен лигамент на десното колено во осминафиналниот натпревар против САД.

Четвртфиналните натпревари се:

Франција- Мароко

9 јули, 22:00 часот

Шпанија- Белгија

10 јули, 21:00 часот

Норвешка- Англија

11 јули, 23:00 часот

Аргентина- Швајцарија

12 јули, 03:00 часот