Украинскиот претседател Володимир Зеленски денеска му ја додели наградата „Национална легенда на Украина“ на американскиот актер Шон Пен во Киев, со што му оддаде признание за неговата активна поддршка за Украина.
Зеленски рече дека Пен ја пропуштил церемонијата на доделување на Оскарите претходно оваа година, но присуствувал на церемонијата на „Национална легенда на Украина“ во украинскиот главен град.
Украинскиот претседател ја доделил наградата и на новинарката Ала Мазур, на борците од Азовскиот полк и на добитниците на медалот „Херој на Украина“.
На дисидентот од советската ера и поранешен политички затвореник Левко Лукјаненко му беше доделена посмртно оваа чест.
Наградата „Национална легенда на Украина“ е востановена во 2021 година за да се одбележи 30-годишнината од независноста на Украина.
