Регулаторната комисија за енергетика, водни услуги и услуги за управување со комунален отпад (РКЕ) донесе одлука со која се врши намалување на малопродажните цени на нафтените деривати во просек за 1,85% во однос на претходната одлука од 28 септември 2026 година.
Новите цени стапуваат на сила од 6 октомври 2026 година, од 00:01 часот.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 денaри за литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 28.09.2026 година и со тоа малопродажната цена на ЕУРОСУПЕР БС-95 изнесува 98,50 денaри за литар, додека малопродажната цена на ЕУРОСУПЕР БС-98 изнесува 100,50 денaри за литар.
Малопродажната цена на ЕУРОДИЗЕЛ (Д-Е В) се намалува за 3,00 денaри за литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 28.09.2026 година и со тоа малопродажната цена на ЕУРОДИЗЕЛ (Д-Е В) изнесува 97,00 денaри за литар.
Малопродажната цена на Екстра лесното масло за домаќинство (ЕЛ-1), се намалува за 3,00 денaри за литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 28.09.2026 година и со тоа малопродажната цена на Екстра лесното масло за домаќинство на (ЕЛ-1) изнесува 108,50 денaри за литар.
Малопродажната цена на Мазутот М-1 НС, се намалува за 0,285 денари за килограм, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 28.09.2026 година и со тоа малопродажната цена на Мазутот М-1 НС изнесува 49,597 денари за килограм.
Според пресметките, референтните цени на светскиот пазар бележат намалување: кај бензините за 2,885%, кај дизелот за 4,770%, кај екстра лесното масло за 4,384%, додека кај мазутот намалувањето изнесува 1,807%.
Истовремено, курсот на денарот во однос на доларот е повисок за 0,9101%.
При формирањето на цените се применети и владината одлука за намален ДДВ од 10% за еуродизелот, како и намалениот износ на акцизата од 4,00 денари за литар кај бензините и дизелот.
