Поранешниот врховен командант на вооружените сили на Украина и актуелен амбасадор во Велика Британија, Валериј Залужни, е потенцијален противник на актуелниот украински претседател Володимир Зеленски на следните претседателски избори во Украина, соопштија извори блиски до двајцата функционери.

Извори за „Украинска правда“ рекле дека Залужни неодамна се сретнал со Зеленски, кога започнал разговорот за тоа дали е подготвен да учествува на претседателските избори, доколку се одржат на есен, на што Залужни одговорил потврдно.

Според изворите, Зеленски директно го прашал поранешниот врховен командант дали би се кандидирал доколку претседателските избори се одржат на есен, на што Залужни одговорил „да, ќе се кандидирам“.

Залужни во таа пригода рекол дека никогаш порано не се стремел кон политичка кариера, „но дека многу луѓе ги полагаат своите надежи во него и дека не може да објасни зошто би требало да ја занемари таа доверба“.