Претседателот на Туркије, Реџеп Таип Ердоган, денес се сретна со узбекистанскиот претседател Шавкат Мирзијоев во казахстанскиот град Туркистан.
Средбата се одржа на маргините на Неформалниот самит на Организацијата на туркиските држави.
Лидерите разговараа за билатералните односи меѓу Туркије и Узбекистан, како и за регионални и глобални прашања, се вели во соопштението што Директоратот го сподели на турската социјална мрежа НСосијал (NSosyal).
За време на средбата, Ердоган изјави дека двете земји ќе ги продолжат напорите за унапредување на соработката во сите области, особено во одбранбената индустрија и трговијата, се додава во соопштението.
Ердоган исто така изрази верување дека Туркије и Узбекистан ќе ја зголемат солидарноста на меѓународните платформи и го покани Мирзијоев на Самитот на ОТД и на ЦОП31, кои треба да се одржат во Туркије.
На состанокот, што се одржа зад затворени врати во хотелот каде што престојуваше Ердоган, присуствуваше и турскиот министер за надворешни работи, Хакан Фидан.
