Неодамнешното истражување спроведено во САД покажа дека 37% од Американците веруваат дека постигнатиот договор го фаворизира Иран.

CBS News и YouGov го спроведоа истражувањето помеѓу 17 и 19 јуни, во кое беа вклучени 2.519 возрасни Американци, во врска со постигнатиот договор со Иран.

Според истражувањето, 37 отсто од испитаниците рекле дека веруваат дека договорот е „подобар за Иран“, додека 22 отсто рекле дека е „подобар за САД“.

Околу 78 отсто од испитаниците рекле дека поддржуваат ставање крај на конфликтот меѓу САД и Иран, додека 22 отсто се за продолжување на конфликтот „додека Иран не се откаже“.

За тоа дали САД трајно ја прекинаа иранската нуклеарна програма, 31 отсто од испитаниците одговориле „да“, додека 69 отсто изразиле скептицизам.

На прашањето дали Иран ќе претставува закана за регионот во наредните месеци, 59 отсто одговориле дека „веројатно/дефинитивно ќе биде“, додека 40 отсто одговориле дека „веројатно/дефинитивно нема“.

Во врска со тоа дали конфликтот со Иран вредеше за САД, 31% одговориле со „да“, додека 69% одговориле „не“.

Во меѓувреме, 36 отсто од испитаниците го одобрија однесувањето на американскиот претседател Доналд Трамп со ситуацијата во која е вклучен Иран, додека 64 отсто не го одобрија.