Речиси половина од германските гласачи очекуваат канцеларот Фридрих Мерц да ја напушти функцијата до крајот на годината, покажа анкета на YouGov, што дополнително ја зголемува важноста на претстојните покраински избори.
Репрезентативна анкета, објавена доцна вчера, покажа дека 48 проценти од испитаниците не очекуваат Мерц да остане канцелар до крајот на годината. Околу 31 процент мислат дека тој ќе остане на функцијата, додека 21 процент се неодлучни.
Анкетата е објавена пред изборите во недела во источната покраина Мекленбург-Западна Померанија и покраината Берлин, каде што анкетите покажуваат дека партијата на Мерц, Христијанско-демократската унија ЦДУ претрпе големи загуби.
Конзервативците веќе претрпеа голем удар овој месец во Саксонија-Анхалт, каде што десничарската Алтернатива за Германија АФДои 43,8 проценти од гласовите, пред ЦДУ со 17,2 проценти. Тоа беше голем пораз за партијата што управуваше со покраината со децении, менувајќи ги коалициските партнери.
Според најновата анкета на ZDF за Берлин, ЦДУ има поддршка од околу 20 проценти од гласачите, што е намалување од 28,2 проценти што ги освои на изборите во 2023 година, и би можела да ја изгуби власта во главниот град. Социјалистичката левичарска партија води со 22 проценти, отворајќи ја можноста за трипартиска влада без ЦДУ.
Во Мекленбург-Западна Померанија, ЦДУ исто така е во опаѓање, а најновите анкети покажуваат дека е на шест проценти, блиску до прагот од пет проценти потребен за влез во покраинскиот парламент. Најновото истражување на ZDF покажува дека социјалдемократската СПД во источната покраина има поддршка од 37 проценти, додека АФД е на 36 проценти.
Додека локалните прашања продолжуваат да ги обликуваат регионалните избори, многу набљудувачи веруваат дека падот на поддршката на партијата на три покраински избори овој месец е влошен од лошите резултати на Мерц на функцијата, што го зголемува притисокот во рамките на ЦДУ да се повлече.
Високи функционери на ЦДУ планираат внатрешен состанок во понеделник, додека пратениците од ЦДУ и нејзината баварска сестринска партија, Христијанско-социјалната унија (ЦСУ), треба да се состанат два дена подоцна.
Евентуалната промена во раководството на ЦДУ не би значела автоматски распуштање на парламентот или распишување федерални избори. Доколку притисокот одвнатре во партијата го принуди Мерц да се повлече, Бундестагот би можел да избере нов канцелар без да одржи нови избори на покраинско ниво.
