| Macedonian
ИЕА: Се очекува емисиите на ЦО2 од центрите за податоци да се зголемат за 70% до 2030 година
Глобалната потрошувачка на електрична енергија во центрите за податоци се очекува да се удвои до крајот на деценијата, главно, поттикната од подемот на вештачката интелигенција
ИЕА: Се очекува емисиите на ЦО2 од центрите за податоци да се зголемат за 70% до 2030 година
Се очекува проширувањето на овие центри да ја зголеми побарувачката за електрична енергија произведена од фосилни горива, особено во САД и Кина / Reuters (Wire)

Се очекува емисиите на јаглерод диоксид поврзани со светските центри за податоци да се зголемат за 70 проценти до 2030 година бидејќи зголемената побарувачка за вештачка интелигенција (ВИ) ја зголемува потрошувачката на електрична енергија, соопшти денес Меѓународната агенција за енергија (ИЕА).

Агенцијата, со седиште во Париз, во својот годишен извештај „Светски енергетски изгледи 2026“ предвидува дека глобалната потрошувачка на електрична енергија во центрите за податоци ќе се удвои и до 2030 година ќе достигне околу 1.000 терават-часови, при што ВИ ќе биде главен двигател на растот.

Во центрите за податоци се сместени компјутерските сервери што се користат за функционирање на системите за вештачка интелигенција и другите дигитални услуги. За нивното работење и ладење на опремата потребни се големи количества електрична енергија.

Се очекува проширувањето на овие центри да ја зголеми побарувачката за електрична енергија произведена од фосилни горива, особено во САД и Кина, што ќе придонесе за зголемување на емисиите на јаглерод диоксид.

ИЕА предвидува дека до 2030 година природниот гас ќе обезбедува околу 60 проценти од електричната енергија што ја користат центрите за податоци во САД, а јагленот ќе учествува со приближно половина во производството на електрична енергија за кинеските центри за податоци наменети за вештачка интелигенција.

Во Европската Унија се очекува обновливите извори на енергија да обезбедуваат околу 70 проценти од потребната електрична енергија за центрите за податоци до крајот на деценијата.

Агенцијата предупреди и дека брзиот раст на побарувачката на електрична енергија од инфраструктурата за вештачка интелигенција создава дополнителен притисок врз електроенергетските мрежи и синџирите на снабдување со опрема, нагласувајќи ја потребата од инвестиции во електроенергетската инфраструктура.

Повеќе
Истражување на израелски медиум: Нетанјаху планирал да ги обвини Арапите за „кражба на изборите“
Трамп го пофали „извонредниот личен однос“ со кинескиот претседател Кси
Ерменскиот премиер вели дека неговата земја нема да се приклучи кон НАТО
Стотици израелски доселеници упаднаа во „Гробот на Јосиф“ во Наблус под заштита на армијата
Трамп вели дека САД и Кина се шпионираат меѓусебно, тврди дека Вашингтон го прави тоа подобро
Глобалната иницијатива на Туркије за електрификација ја поддржаа 75 земји на КОП31
Русија соопшти дека железничкиот сообраќај на мостот кон Крим е запрен по нов украински напад
Ердоган: Израел ја претвора Газа во „најголемиот концентрационен логор во светот“
Човиќ: Наскоро ќе се конституираат сите законодавни органи на БиХ
Германија бара САД да има значајна улога во безбедносните гаранции за Украина
Пакистан ја демонстрираше новата суперсонична крстосувачка ракета „Фатах-3“
Иран негира вмешаност во заговорот за атентат кој го разоткрија македонските и грчките служби
Европскта комисија предложи нов заем за Украина до 45 милијарди евра
Ердоган: Масакрите и гладот ​​продолжуваат секојдневно во Газа додека светот само набљудува
Туркије отвори истрага за платформата на игри на Сони Плејстејшн