Палестински тинејџер бил убиен рано утрото во петок од оган од израелската армија во окупираниот Западен Брег, според официјалната палестинска новинска агенција ВAФA.

Агенцијата објави дека Фахд Зејдан Оваис(16), бил убиен од израелските сили во селото Ал-Лубан ал-Шаркија, јужно од Наблус, додека бил во рамнините на селото пред зори во петок.

Израелските сили го задржале телото на тинејџерот откако спречиле екипи од Палестинската Црвена полумесечина да стигнат до него, додаде ВAФA.

Окупираниот Западен Брег, вклучувајќи го и Источен Ерусалим, е сведок на ескалација на израелските воени операции, вклучувајќи рации, апсења, пукања и прекумерна употреба на сила, со зголемени напади од страна на израелските окупатори врз Палестинците и нивниот имот.

Според официјалните палестински бројки, од октомври 2023 година, во нападите на израелската армија и израелските окупатори загинаа 1.155 Палестинци, околу 11.750 се повредени, а речиси 22.000 луѓе се уапсени.